amérika: erdoghan bilen michotakisning uchrishishidin xursenmiz
amérika qoshma ishtatliri dölitimiz (türkiye jumhuriyiti) jumhur reisi rejep tayyip erdoghan bilen girétsiye bash ministiri kériyakos michotakisning uchrishishidin xursen ikenlikini bildürdi.
türkiye awazi radiyosi xewiri: amérika qoshma ishtatliri tashqi ishlar ministirliqining bayanatchisi erdoghan-michotakis uchrishishi toghrisida bayanat élan qildi. bayanatta mundaq déyildi:
«amérika qoshma ishtatliri türkiye jumhuriyiti jumhur reisi rejep tayyip erdoghan bilen girétsiye bash ministiri kériyakos michotakisning uchrishishidin intayin xursen.»
«amérika girétsiye bilen türkiyening rayonning tinchliqi, bixeterlikike kapaletlik qilish we tereqqiyatini ilgiri sürüsh yolida birlikte heriket qilish üchün, her sewiyede ikki tereplik uchrishishlarni élip bérishini qollaydu.»
jumhur reis rejep tayyip erdoghan tünügün afénada dölet ishliri ziyaritide bolghan, girétsiye bash ministiri kériyakos michotakis bilen istratégiyelik aliy hemkarliq kéngishi dairiside tüzlük kélishimlerni imzalighanidi.
ikki döletning rehberliri birleshme axbarat élan qilish yighinida, uchrishishlar we hemkarliqni yenimu ilgiri süridighanliqlirini bildürgenidi.
