amérika gherbiy qirghaqta zorawanliq qilghanlargha wiza cheklimisi qoyidighan boldi

türkiye awazi radiyosi xewiri: amérika tashqi ishlar ministiri antoni blinkén gherbiy qirghaqta tinchliq, bixeterlik we muqimliqqa buzghunchiliq qilghan kishilerni nishan qilghan yéngi wiza siyasitining yolgha qoyulidighanliqini bildürdi.

u émbargo qoyulidighan kishilerning birinchi derijilik tughqanliriningmu cheklimige uchrishi mumkinlikini éytti.

u israiliyeliklerning pelestinliklerge we pelestinliklerning israiliyeliklerge qilghan hujumlirinimu öz ichige alghan halda amérikaning gherbiy qirghaqtiki muqimliqqa buzghunchiliq qilghan barliq heriketlerge qarshi turidighanliqini bildürüp: «zulum qilghuchi yaki ziyankeshlikke uchrighuchi kim bolushidin qetniynezer, gherbiy qirghaqta puqralargha qaritilghan barliq zorawanliq heriketlirini dawamliq sürüshte qilimiz» dédi.

u israiliye hökümitining gherbiy qirghaqta pelestinliklerge qaritilghan zorawanliq hujumlirini élip bériwatqan ashqun yehudiy köchmenler üchün téximu köp ishlarni qilishi kéreklikini tekitlep pelestin puqralirini ashqunlarning hujumliridin qoghdash üchün qoshumche tedbirlerni yolgha qoyush kéreklikini bildürdi.

u axirida, israiliye we pelestin hökümitining gherbiy qirghaqta muqimliqni saqlashqa mesul ikenlikini eskertti.