amérikaning sabiq bash elchisi jasusluq jinayiti bilen eyiblinip qolgha élindi
amérikaning boliwiyede turushluq sabiq bash elchilirining biri bolghan manuél rocha kuba üchün jasusluq qilish jinayiti bilen eyiblinip miamida qolgha élindi.
2072200
türkiye awazi radiyosi xewiri: amérika birleshme agéntliqi (Associated Press) ning ziyaritini qobul qilghan, emma nam-sheripini ashkarilashni xalimighan ikki yuqiri derijilik emeldar, amérika fédératsiye tekshürüsh idarisi (FBI) ning uzundin buyan kubagha qarita «jasusluqqa qarshi turush» tekshürüshi élip bériwatqanliqini bildürdi.
dairiler amérikaning boliwiyede turushluq bash elchiliridin biri bolghan 73 yashliq rochaning tekshürüsh jeryanida qolgha élinghanliqini éytti.
rochaning amérika edliye ministirliqi teripidin «kubaning menpeetige xizmet qilish» bilen eyiblengenliki eskertildi.
biraq, amérika hökümiti hazirghiche bu heqte héchqandaq bayanat élan qilmidi.
