isirailiye ghezzening shimalidiki bir mektepni bombardiman qildi
isirailiye ayropilanlirining ghezzening shimaligha jaylashqan bir mektepni qilghan bombardimanida, 27 kishi jénidin ayrildi, 93 kishi yarilandi.
türkiye awazi radiyosi xewiri: pelestin wafa (WAFA) agéntliqining xewiride bildürülishiche, isirailiye ayropilanliri ghezzening shimalidiki jibaliya musapirlar lagérida yurt-makanliridin ayrilghan yüzlerche pelestinlik panahliniwatqan b d t mektipini bombardiman qilghan. bombardimanda 27 kishi jénidin ayrilip, eng az dégende 93 kishi yarilanghan.
bombardiman qilinghan mektepning b d t ning ottura sherqtiki pelestinliklerge yardem qilish orginigha qarashliq ebu hüseyin mektipi ikenliki qeyt qilindi.
isirailiye ayropilanlirining ghezzening ottura we jenubidiki turalghu rayonlirini qilghan bombardimanlirida, eng az dégende 11 kishi jénidin ayrildi, nurghun kishi yarilandi.
ghezzediki sehiye ministirliqi shimaldiki hindonéziye doxturxanisining isirailiyening shiddetlik bombardimanigha duch kelgenlikini, yarilanghan 200 kishining hayatidin endishe qiliniwatqanliqini bildürdi.
wafa agéntliqi isirailiye eskerlirining shiddetlik bombardimandin kéyin doxturxanigha bésip kirip, yarilanghan bir ayalni étip öltürgenlikini, eng az dégende üch kishini yarilandurup, üch kishini tutup ketkenlikini xewer qildi.
