israiliyening ghezzege qiliwatqan wehshiyane bombardimani 45 – künidimu dawamlashti
israiliye qisimlirining ghezze rayonida 7 - öktebirdin buyan élip barghan wehshiyane hujumlirida qaza qilghanlarning sani 13 ming 300 ge yetken bolup, buning ichide 5600 kichik bala we 3550 ayal barliqi bildürüldi.
türkiye awazi radiyosi xewiri: pelestinning resmiy xewer agéntliqi «WAFA» ning xewirige asaslanghanda, israiliye urush ayropilanliri ghezzede öy – makanliridin ayrilghan pelestinlikler turushluq bir mektep we toqquz öyni bombardiman qilghan, weqerde nurghun kishi qaza qilghan we yarilanghan.
ghezze hökümitining axbarat ishxanisi télégramma hésabida, ghezze rayonidiki israiliye hujumining 45-künide, qaza qilghan we yarilanghanlarning sani shundaqla buzghunchiliqlirigha munasiwetlik eng yéngi melumatlarni hembehirlidi.
buninggha asaslanghanda, 7 - öktebirdin buyan dawamlishiwatqan hujumlarda ghezzede 5600 kichik bala we 3550 ayalni qoshqanda, jemiy 13 ming 300 puqra öltürülgen.
hujumda 201 doxtur, séstira, jiddiy qutquzush xadimliri we 60 zhurnalist öltürülgendin bashqa yene, yarilanghanlarning sani 31 mingdin ashqan.
xarabilik astidiki we kochilardiki jesetlerni qoshqanda, yoqulup ketkenlerning sani 6500 din éship ketken.
yoqulup ketkenlerning 4400 din köpreki ayallar we kichik balilardin terkip tapidighanliqi uqturuldi.
hazirgha qeder israiliyening hujumida 98 hökümet binasi we 266 mektep bombardiman qilindi. 66 mektep mulazimet qilalmaydighan halgha keldi. bombardiman qilinghan 170 jamining 83 i pütünley yéqilip chüshti.
ilgiri élan qilinghan 225 ming öyning qismen we 43 ming öyning pütünley weyran bolghanliqigha dair melumat yéngilenmidi.
bu ariliqta, israiliye qisimliri, yéqinqi 24 saet ichide ghezze rayonida texminen 250 nuqtini hawadin bombardiman qilghanliqlirini bildürüshti.
bayanatta, bombardiman qilinghan jaylarning hamasning herbiy qaniti izziddin elqassam birigadisigha tewe «nishan» ikenliki ilgiri sürüldi.
