hindistanda tonélda qapsilip qalghan 40 ishchini qutquzush xizmiti üzülüp qaldi
hindistanning uttaraxand ölkiside , yol iizmiti jeryanida qurulushi dawamlishiwatqan tonélning bir qismi örülüp chüshüp qapsilip qalghan 40 ishchini qutquzush xizmiti üzülüp qaldi.
türkiye awazi radiyosi xewiri: xizmet jeryanida tonélning ichidin chiqqan yérilish awazini we burghilash mashinisining buzulghanliqini bayqighan dairiler qutquzush xizmitini toxtatti. alaqidar tarmaqlar xizmetlerning dawamlishalishi üchün yéngi mashinilarning rayongha kélishini saqlawatqanliqini bildürdi.
apetni bashqurush emeldari déwéndra patwal örülüp chüshken tash qiyalarni tazilash xizmitining hazirghiche 24 métir ilgiriligenlikini we ishchilarning texminen 60 métir chongqurluqta ikenlikini texmin qiliwatqanliqini éytti.
hindistanda 12-noyabirda yol xizmiti jeryanida qurulushi dawamlishiwatqan tonélning bir qismi örülüp chüshken bolup, dairiler az dégende 40 ishchining xarabilikke qapsilip qalghanliqini, turuba arqiliq ishchilargha oksigén we yémeklik teminlewatqanliqini bildürgen idi.
xarabilik astidiki ishchilardin beziliride saghlamliq mesilisi körülüshke bashlighanliqi uqturulghan idi.
