sehiye teshkilati ghezzelik rak bimarlirining türkiyege yötkelgenlikidin memnunluqini bildürdi
dunya sehiye teshkilati rak bimarlirining ghezzedin türkiyege yötkelgenlikidin memnun bolghanliqini bildürdi.
türkiye awazi radiyosi xewiri: dunya sehiye teshkilatining bayanatchisi margarét xarris, dawalashqa mohtaj 27 ghezzelik rak bimarining türkiyege élip kélinishi toghrisida toxtilip: «biz dawalashqa éhtiyajliq rak bimarliridin tarqaqlashturulghanliqidin memnunmiz» dédi.
xarris éghir yaridarlar we bimarlarning refah chégra éghizi arqiliq misirgha üzlüksiz, daimliq, tosalghusiz we bixeter yötkilip dawalinishining intayin muhimliqini tekitlep: «dunya sehiye teshkilatining, saghlamliq we bixeterlik sharaiti yar bergen dairide, bimarlar we ularning aile ezalirini tarqaqlashturushqa qolayliq yaritish iradisi qetiy» dédi.
ghezzediki 27 rak bimari we ularning qarighuchiliri israiliyening qamali we shiddetlik hujumliri astidiki ghezzedin chiqirilip, qutquzush mashiniliri bilen misirning elersh ayrodurumigha we u yerdin jumhur reislik mehkimisi we dölet mudapie ministirliqining ayropilanliri bilen 16 – noyabir paytext enqerege élip kélinip, bilkent sheher doxturxanisida balnistqa élinghanidi.
jumhur reis rejep tayyip erdoghan doxturxanigha bérip, dawaliniwatqan rak bimarlirini yoqlighanidi.
