joko widodo amérikani ghezzediki wehshiylikni toxtitishqa chaqirdi
hindonéziye pirézidénti joko widodo amérika pirézidénti jo baydin bilen ötküzgen uchrishishida, amérikani ghezzede yüz bériwatqan zulumni toxtitish üchün téximu köp tirishchanliq körsitishke chaqirdi.
türkiye awazi radiyosi xewiri: amérikaning paytexti washingtonda amérika pirézidénti jo baydin bilen hindonéziye pirézidénti joko widodo ikki tereplik uchrishishitin ilgiri muxbirlargha bayanat élan qildi.
pirézidént baydin ikki dölet munasiwitige muhim ehmiyet béridighanliqlirini tilgha élip, ikki terep munasiwetlirini keng dairilik istratégiyelik shériklik sewiyesige chiqiridighanliqlirini bildürdi.
hindonéziye pirézidénti widodo ikki dölet munasiwetlirining muhimliqini tekitlep: «hindonéziye amérika bilen bolghan hemkarliqlarning rayon we yer shari tinchliqigha shundaqla güllinishige töhpe qoshushini ümid qilidu. shunga, hindonéziye amérikani ghezzediki wehshiylikni toxtitish üchün téximu köp tirishchanliqlarni körsitishke chaqiridu. insaniyetning urush toxtitishqa jiddiy éhtiyaji bar» dédi.
baydin bilen widodo özara uchrishishtin kéyin, birleshme yazma bayanat élan qildi.
bayanatta, hindonéziye-amérika munasiwetlirining «uniwérsal istratégiyelik shériklik» sewiyesige kötürülgenliki uqturuldi.
bu shériklik dairiside, yéngiliq yaritish, sijil tereqqiyat, ammiwi saghlamliq, dijital özgirish we yéshil énérgiye qatarliq sahelerde özara hemkarliq ornitilidighanliqi bildürülgen bayanatta yene, ikki döletning mudapie hemkarliqiningmu chongqurlashturulidighanliqi tekitlendi.
مۇناسىۋەتلىك خەۋەرلەر
nigériyede bir jamede partlash yüz bérip 11 adem qaza qildi
nigériyening kano ölkisidiki bir jamede yüz bergen partlashta 11 adem hayatidin ayrildi.
