israiliye shifa doxturxanisining éghir késellikler we tughut bölümini bombardiman qildi

türkiye awazi radiyosi xewiri: isirailiyening ghezzediki shifa doxturxanisgha qilghan hujumida, éghir késellikler bölümidiki bir bimar bilen ikki bowaq jénidin ayrildi.

buning bilen, 7 – öktebir (2023) din buyan israiliyening hujumlirida öltürülgen pelestinliklerning sani 11 ming 180 ge örlidi.

chégrasiz doxturlar teshkilati shifa doxturxanisidiki xadimliridin héchqandaq xewer alalmighanliqini élan qildi.

pelestin sehiye ministirliqi ghezzediki doxturxanilarda, bolupmu shifa doxturxanisida apet boluwatqanliqini, bimarlarning dawalash mumkin bolmighanliqi sewebidin ölüp kétiwatqanliqini bildürdi.

israiliye-liwan chégrasidimu jiddiychilik yuqiri pellige chiqti.

israiliye hizbullahning bezi nishanlirigha zerbe bergenlikini élan qildi.

hamasning qoralliq qaniti izeddin qassam birigadiliri 7- öktebirde «israiliyening bolupmu mesjidi eqsa qatarliq muqeddes qimmet qarashlirigha qaratqan üzlüksiz dexli-teruzlirigha jawab qayturush» üchün keng kölemlik hujum bashlighan we israiliye qisimlirimu ghezze rayonigha küchlük hawa hujumi qozghap bombardiman qilishni bashlighan idi.

künséri küchiyiwatqan tuqunushlarda, her ikki tereptin minglighan kishi jénidin ayrildi.

israiliyening bildürishiche, qassam birigadilirining qolida 239 israiliyelik esir bar iken.