ghezze ichki ishlar ministirliqi ghezze rayonining eng yéngi ehwali heqqide bayanat élan qildi
ghezze hökümitining ichki ishlar ministirliqi israiliyening köchüshke zorlishi we wehshiylerche bésim astigha élishigha pésent qilmastin, hazirmu shimaliy ghezze rayonlirida texminen 900 ming kishining yashawatqanliqini élan qildi.
türkiye awazi radiyosi xewiri: ghezze hökümiti ichki ishlar ministirliqi bayanatchisi iyad el bezm muxbirlarni kütüwélish yighinida, bir aydin buyanqi israiliyening shiddetlik hujumlirigha duchar boluwatqan muhasire astidiki ghezze rayonining eng yéngi ehwali heqqide melumat berdi.
bayanatchi iyad el bezm israiliyening hujumi sewebidin ghezzediki insanperwerlik weziyitining künséri éghirlishiwatqanliqi terepke hemmining diqqitini tartip: «ghezze we shimaliy ghezze rayonida ichidighan su yoq, bu wejidin kishiler meynet su ichishke mejbur bolmaqta» dédi.
iyad el bezm bu rayonlarda israiliye nawayxanilarni sistémiliq hujum nishani qilghan bolghachqa, nawayxanilarningmu xizmettin toxtighanliqini bildürdi.
ghezze we shimaliy ghezzediki panahlanghuchilar merkezliride turuwatqan kishilerningmu israiliyening hujum nishani boluwatqanliqini eskertip, texminen 900 ming kishining bu yerde yashawatqanliqini éytti.
hamasning qoralliq qaniti izddin qassam birigadaliri 7-öktebir (2023) etigende «israiliyening pelestinliklerge we ularning muqeddes jayliri we qimmet qarashlirigha, bolupmu mesjidi eqsagha qilghan hujumliri we qanunsizliqlirigha jawaben» keng kölemlik hujum qozghighan idi. israiliye qisimlirimu ghezze rayonigha hawadin hujum qilip, wehshiylerche bombardiman qilishni bashlighan idi.
künséri keskinlishiwatqan tuqunushlarda, her ikki tereptin minglighan kishi qaza qildi.
مۇناسىۋەتلىك خەۋەرلەر
nigériyede bir jamede partlash yüz bérip 11 adem qaza qildi
nigériyening kano ölkisidiki bir jamede yüz bergen partlashta 11 adem hayatidin ayrildi.