hamas: israiliyening qirghinchiliq jinayitige jo baydin we hökümiti jawabkar
pelestin islami qarshiliq körsitish herikiti hamas israiliyening ghezze rayonida sadir qilghan «qirghinchiliq» jinayitige amérika pirézidénti jo baydin we hökümitining jawabkar ikenlikini élan qildi.
türkiye awazi radyosi xewiri: hamasning yazma bayanatida, israiliyening amérikada yasalghan uchquchisiz ayropilan bilen ghezzening shimalidiki saftawi rayonida puqralar panahlanghan osama bin zeyd mektipini bombardiman qilghandin kéyin, tünügün yene ghezze rayonining shimalidiki jabaliye panahlanghuchilar lagérida öy makanidin ayrilghan minglighan pelestinlik turushluq el-fahura mektipige hujum qilghanliqi eskertildi.
bayanatta: «amérika pirézidénti baydin we uning hökümiti öy - makanliridin ayrilghan kichik balilar we ayallar turushluq el-fahura mektipide qilinghan israiliye qirghinchiliqlirigha jawabkardur. jinayetchi, ishghaliyetchi (israiliye) hökümiti bu wehshiyane qirghinchiliqini biwasite amérika hökümiti we pirézidénti baydinning yardimi bilen élip bardi» déyildi.
hamasning bayanatida, amérika pirézidénti baydin we hökümitining israiliyening puqralargha qaratqan urush jinayitini biwasite yoshurghanliqi otturigha qoyuldi.
israiliye qisimlirining ghezzening shimalidiki jibaliye panahlanghuchilar lagérida öy makanidin ayrilghan milghan pelestinlik turushluq el-fahura mektipige qilghan hujumida 15 kishining qaza qilghanliqi bildürülgen idi.
hamasning qoralliq qaniti izddin elqassam birigadisi 7-öktebir etigende, israiliyening pelestinliklerge we mesjidi eqsa qatarliq muqeddes jaylargha üzüldürmey dexli-teruz qilishlirigha jawaben keng kölemlik hujum qozghighan we israiliye qisimlirimu ghezze rayonini hawadin qattiq bombardiman qilishni bashlighan idi.
künséri keskinlishiwatqan urushta her ikki tereptin minglighan kishi qaza qildi.
مۇناسىۋەتلىك خەۋەرلەر
nigériyede bir jamede partlash yüz bérip 11 adem qaza qildi
nigériyening kano ölkisidiki bir jamede yüz bergen partlashta 11 adem hayatidin ayrildi.