путин: йәһуийларға һуҗум қилиш билән пәләстингә йардәм қилғили болмайду

түркийә авази радийоси хәвири: путин русийә федератсийәсиниң дағистан аптоном районидики айродурумда исраилийәдин кәлгән айропилан сәвәбидин намайишчилар билән бихәтәрлик қисимлири оттурисида йүз бәргән сүркилиш тоғрисида ечилған йиғинда сөз қилди.

у оттура шәрқтики өзгиришләрдин русийәгә қарши пайдилиниш үчүн һәрикәт қилиниватқанлиқини илгири сүрүп: «улар бу мәқсәттә йалғанчилиқ, иғвагәрчилик, мурәккәп, таҗавузчилиқ писхикиси вә сахта учур амиллиридин пайдилиниватиду» деди.

у оттура шәрқтики йеңи киризисниң исраилийәгә қилинған һуҗумдин башланғанлиқини әскәртип, сөзини төвәндикидәк давам қилди:

«наһайити әпсуски биз җинайәтчиләр вә террорчиларни җазалашниң орниға, коллектип мәсулийәт пиринсипидин өч елиш үчүн пайдилиниватқанлиқини көрүватимиз. ғәззә районида йүз миңлиған бигунаһ кишиләр қалаймиқан өлтүрүлгән дәһшәтлик вәқәләрниң һечқандақ тоғра тәрипи йоқ. уларниң бомбардиманлардин қечип йошурунғудәк һечқандақ йери йоқ.»

у пәләстиндә пуқраларниң өлүми сәвәбидин қайғуруватқанлиқини әскәртип:  «тини қанған бойалған балиларға, өлүк балиларға, айаллар вә йашанғанларниң қандақ азаб-оқубәт чекиватқанлиқиға, сақлиқ сақлаш хадимлириниң қандақ өлгәнликигә қариғинимизда, әлвәттә муштиңизни сиқисиз вә көзиңизгә йаш келиду, буни ипадиләшниң башқа амали йоқ» деди.

у дағистандики махачқәлә айродурумида йүз бәргән вәқәләр үстидә тохталди.

у мундақ деди:

«махачқәләдә йүз бәргән вәқәләр, иҗтимаий таратқуларни өз ичигә алған һалда, болупму украина земинлиридин, ғәрб агентлиқлиридин чиқти. дағистанда йашайдиған тағ йәһудийлириға һуҗум қилип, пәләстингә йардәм қилғили болмайду. пәләстингә йардәм қилишниң бирдинбир йоли, бу тирагедийәниң арқисидикиләргә қарши күрәш қилиштур. биз русийә болуш сүпитимиз билән, алаһидә һәрбий һәрикәт рамкисида улар билән уруш қиливатимиз. биз һәм өзимиз һәмдә һәқиқий әркинликни халайдиғанлар үчүн уруш қиливатимиз. һессийат билән һәрикәт қилмаслиқни тәкитләймән. оттура шәрқ вә дунйаниң башқа районлиридики хәлқләр баштин кәчүрүватқан тирагедийәләрниң арқисида һәқиқий кимниң барлиқини, өлүмгә толған қалаймиқанчилиқларни кимниң пиланлаватқанлиқини, буниңдин кимниң мәнпәәткә еришиватқанлиқини билишимиз керәк. американиң һазирқи һөкүмәт әмәлдарлири вә уларниң қорчақлири, дунйа муқимсизлиқидин әң көп нәпкә еришкүчиләр һесаблиниду. булардин қанға толған пайдилирини қолға кәлтүриду.»

у ахирида, американиң дунйави күч сүпитидә аҗизлиғанлиқини, бу сәвәбтин русийәни өз ичигә алған башқа рәқиплиридә қалаймиқанчилиқ пәйда қилиш йоли билән муқимлиққа зийан селишқа тиришиватқанлиқини тәкитлиди.