«ghezzede minglarche bimar ölüm xewpige duch kelmekte»
dunya sehiye teshkilati israiliyening shiddetlik hujumliri astidiki ghezze rayonida saqliqni saqlash we insanperwerlik yardemlerning kemchilliki sewebidin minglarche bimarning ölüm xewpige duch kelgenlikini jakarlidi.
türkiye awazi radiyosi xewiri: dunya sehiye teshkilati bash diréktori tidros adxanom gébréyésus, israiliyening shiddetlik hujumliri astidiki ghezze rayonida, saqliqni saqlash we insanperwerlik yardemlirining kemchilliki sewebidin, minglarche bimarning ölüm xewpige duch kelgenlikini qeyt qildi.
gébréyésus ammiwi ortaqlishish tor béti X sehipiside, israiliye – pelestin otturisidiki sürkilish heqqide élan qilghan bayanatida, mundaq dédi:
«israiliyening shiddetlik hujumliri astidiki ghezze rayonida, saqliqni saqlash we insanperwerlik yardemlirining kemchil bolushi minglighan bimarlarni ölüm xewipige duchar qilmaqta.»
«dunya sehiye teshkilati alaqidar tereplerni ghezze ahalisini yémeklik, su we yéqilghudin mehrum qilishning ornigha, insanperwerlik nuqtisidin urush toxtitish kélishimi tüzüshke chaqiridu.»
hamasning herbiy qaniti bolghan qassam birigadiliri 7-öktebir shenbe küni israiliyege qarshi «eqsa topani» namliq keng kölemlik hujum qozghighanliqlirini élan qilghanidi. ghezzedin israiliyege minglighan rakétamiyot étilghan, qoralliq guruppilarmu rayondiki olturaq rayonlargha bésip kirgenidi.
israiliye armiyesi bolsa, urush ayropilanliri bilen ghezze shehirige «tömür qilich herikiti» qozghighanliqlirini bildürgenidi.
igilinishiche, barghanséri keskinlishiwatqan toqunushlarda her ikki tereptin minglarche kishi jénidin ayrilghan.
مۇناسىۋەتلىك خەۋەرلەر
michotaks türkiyege kélidu
girétsiye bash ministiri kériyakos michotakis paytext enqerede dölet ishliri ziyaritide bolidu.
