baydin: tutqunlar qoyup bérilgendin kéyinla andin tinchliq söhbiti ötküzüsh mumkin
amérika qoshma ishtatliri pirézidénti jo baydin hamasning qolidiki barliq tutqunlar qoyup bérilgendin kéyinla andin israiliye-hamas toqunushini toxtitish üchün tinchliq söhbiti ötküzüshke bolidighanliqini éytti.
türkiye awazi radiyosi xewiri: pirézidént baydin aqsarayda muxbirlarning soallirigha jawab berdi.
u bir muxbirning: «amérika tutqun kélishimi üchün urush toxtitishni qollamdu?» teriqisidiki soaligha: « aldi bilen görüge éliwélinghanlar qoyup bérilishi kérek, andin biz tinchliq söhbiti ötküzüsh toghriliq muzakire ötküzüshimiz mumkin» dep jawab berdi.
bu jeryanda, aqsaray amérika qoshma ishtatliri pirézidénti jo baydinning bir qanche yuqiri derijilik herbiy emeldarni israiliyege ewetidighanliqi, bu emeldarlarning israiliyege herbiy heriket meslihetchiliri süpitide wezipe öteydighanliqining rast ikenlikini bildürdi.
aqsaray dölet bixeterlik kéngishining istratégiyelik uchur – alaqe ishliri maslashturghuchisi jon kirbi muxbirlarni kütüwélish yighinida, bir muxbirning: «général léyténant jéymis glin we bashqa bezi herbiy emeldarlarning meslihetchi süpitide wezipe ötesh üchün israiliyege ewetilidighanliqini jezmleshtürelemsiz?» dégen soaligha, mundaq jawab berdi: «biz shuni ochuq éytalaymizki, biz israiliyege ewetidighan herbiy emeldarlar israiliye nöwette dawamlashturuwatqan, kelgüsidimu dawamlashturidighan herbiy heriketlerde israiliyege meslihetchilik qilishqa munasip mol tejribige ige bolup, tejribe – sawaqlirini israiliye dairiliri bilen ortaqlishidu.»
مۇناسىۋەتلىك خەۋەرلەر
nigériyede bir jamede partlash yüz bérip 11 adem qaza qildi
nigériyening kano ölkisidiki bir jamede yüz bergen partlashta 11 adem hayatidin ayrildi.
