amérikada ötküzülgen namayishlarda yehudiylar aldinqi septe turdi

türkiye awazi radiyosi xewiri: «urush toxtat» dep xet yézilghan lozunkini achqan yehudiy namayishchilar, «ghezzeni qorshashni toxtat, siyonizm fashizmgha oxshash. amérikaliq yehudiylar ghezzede emdi urushni toxtat deydu» dep shoar towlidi.

saqchilar isirailiyeni urush toxtitishqa chaqirghan texminen 300 etrapidiki tinchliq tepdari namayishchini qolgha aldi. kongre binasining aldidimu namayish qilghan yehudiy guruppilar pelestinni qollap shoar towlidi.

niyu york we chikago qatarliq chong sheherlerdimu isirailiyening doxturxana hujumini eyiblep namayish ötküzüldi. pelestinning bayraqlirini kötürüwalghan namayishchilar, isirailiyege qarshi shoar towlidi. u sheherlerde yashawatqan yehudiylar namayishning aldinqi sépidin orun aldi.

amérika tashqi ishlar ministirliqigha qarashliq «ittipaqdashlar we shérik döletlerni qoral-yaragh bilen teminlesh» idarisining mudiri josh pawul (Josh Paul)  amérikaning isirailiyege yanbasqan meydanini uzunghiche qolliyalmaydighanliqini  bildürüp, xizmitidin istépa bergenlikini élan qildi.

kolombiye pirézidénti gastawo pétro éks (X) adrésida uchur hembehrlep, isirailiyening ghezzediki «elehli baptst» doxturxanisini bombilishining xelqaraliq tekshürülüshi shert bolghan «urush jinayiti» ikenlikini bildürdi.

biraziliye pirézidénti silwamu «elehli baptst» doxturxanisigha qilinghan hujumning kechürgili bolmaydighan tiragédiye ikenlikini, urushning menisiz ikenlikini bildürüp, bayanat élan qildi.

biraziliyening saw pawlo shehiridimu pelestin xelqini qollap, namayish ötküzüldi. namayishchilar isirailiyening hujumini eyiblep, pelestinliklerni qollaydighan shoarlar yézilghan lozunkilarni achti.

chili pirézidénti gabriyél borich xitay ziyariti jeryanida, ghezzediki doxturxana hujumi toghrisida muxbirlarning soallirigha jawab berdi.

u: «hamas peyda qilghan qobul qilghili bolmaydighan hujumlargha qarshi isirailiyening ghezzede namayan qiliwatqan yawayiliqi, héchqandaq ishining toghra ikenlikini bildürmeydighanliqini éytishni xalaymen» dédi.

irélandiye pirézidénti maykél xiggins (Michael Higgins) isirailiyening «elehli baptst» doxturxanisigha qilghan hujumining énqla «urush jinayiti» süpitide tekshürülüshi kéreklikini qeyt qildi.

engliyede charléz dans, liyam kanningxam we tilda swinton qatarliq dangliq senetchilerni öz ichige alghan 2 mingdin artuq senetchi ghezzede urush toxtitish chaqiriqigha imza qoydi.

kanadaning toronto shehiridiki isirailiye konsulxanisi aldida yoplanghan namayishchilarmu isirailiye hökümitining ghezzediki hujumini eyiblidi.

ispaniyening barsélona shehiride ötküzülgen namayishchilar, isirailiyening «elehli baptst» doxturxanisi bombardimanini öz ichige alghan ghezzediki hujumlirini qattiq eyiblidi.

italiye paytexti rimda pelestinni qollap namayish ötküzüldi. pelestin bayraqlirini we her xil shoarlar yézilghan lozunkilarni kötürüwalghan namayishchilar, isirailiyening ghezzediki hujumlirini eyiblidi.

girétsiye paytexti afénadimu minglarche kishi pelestinni qollap namayish qildi.

aljiriye putbol fédératsiyesi israiliyening ghezze rayonigha qilghan hujumlirining netijisi süpitide, pelestin xelqi bilen hemkarlishish meqsitide barliq paaliyetlirini yéngi uqturush chiqqiche waqtinche toxtatqanliqini élan qildi.