jo baydin ghezzediki doxturxana hujumi sewebidin iyordaniye ziyaritini kéchiktürdi

türkiye awazi radyosi xewiri: aqsarayning bayanatida, baydinning iyordaniye padishahi ikkinchi abdullah bilen meslihetleshkendin kéyin we pelestin pirézidénti mehmud abbasning israiliyening ghezzediki doxturxanigha qilghan hujumi tüpeyli matem élan qilghanliqigha asasen iyordaniye ziyaritini kéchiktürgenliki bildürüldi.

bayanatta, «pirézidént (baydin) ghezzediki doxturxana partilishida qaza qilghan bigunah kishiler üchün chongqur teziye bildürdi we yarilanghanlarning tézrek eslige kélishini tilidi» déyildi.  

bayanatta baydinning iyordaniye, pelestin we misir rehberliri bilen yüzturane körüshüshni ümid qilidighanliqi we bu jeryanda rehberler bilen biwasite alaqilishidighanliqi uqturuldi.

baydin israiliye ziyaritidin kéyin iyordaniyege bérip, padishah ikkinchi abdullah, misir pirézidénti abdulfettah essisi we pelestin pirézidénti mehmud abbas bilen körüshidighanliqini jakarlighan idi.

baydinning qatnishishi kütüliwatqan töt tereplik bashliqlar yighini üchün paytext ammangha yétip barghan pelestin pirézidénti abbasning israiliyening ghezzediki doxturxana hujumidin kéyin ramlahqa qaytishni qarar qilghanliqi élan qilinghan idi.

amérika tashqi ishlar ministiri antoniy billinkénmu ijtimaiy alaqe torida uchur yollap, özining «ghezzediki ehli baptist doxturxanisida yüz bergen partlashtin qattiq qayghurghanliqini» bildürdi.

amérikaning puqralarning hayatini qoghdashni teshebbus qilidighanliqini tilgha alghan billinkén, «barliq israiliye we pelestin puqralirini qoghdash kérek» dédi.

israiliyening ghezzediki el ehli baptist doxturxanisini bombardiman qilishi netijiside 500 kishi hayatidin ayrilghan idi.

pelestin pirézidénti mehmud abbas hujum sewebidin 3 künlük matem élan qildi.