mishél «qarabagh» heqqidiki soalgha jawab bérelmidi

türkiye awazi radiyosi xewiri: yawropa ittipaqi kéngishining reisi charléz mishél ezerbeyjanliq zhurnalistning: «erméniyening qarabaghni bésiwélishi we bir milyon ezerbeyjanliqning sürgün qilinishidin kéyin, yawropa ittipaqi némishqa 30 yil süküt qildi?» dégen soaligha jawab bérelmidi.

charléz mishél tünügün yawropa siyasi ortaq gewdisi bashliqlar yighini ötküzülgen ispaniyening granada shehiride muxbirlarning soallirigha jawab berdi.

ezerbeyjanning «‹ITV› téléwiziye qanili» ning xewerler diréktori fikrét doluqxanow, erméniyening 90-yillarning bashlirida ezerbeyjan zémini bolghan qarabaghni bésiwélishi sewebidin bir milyon ezerbeyjanliqning yurt – makanliridin ayrilip qalghanliqini tilgha alghandin kéyin, mishélgha mundaq soal tashlidi: «yawropa ittipaqi buninggha némishqa 30 yil süküt qildi, emdilikte bolsa erminiye namidin bayanatlarni élan qiliwatidu. yawropa ittipaqi buningdin kéyin terepsiz muressechilik rolini oyniyalamdu yoq?»

mishél «yawropa ittipaqi néme üchün 30 yil süküt qildi?» dégen soalgha jawab bérelmigen bolsimu, emma yawropa ittipaqining terepsiz muressechi ikenlikini ilgiri sürdi.