йавропа иттипақи вә төт дөләтниң вәкиллири қарабағ тоғрисида өзара көрүшти
йавропа иттипақи кеңиши әзәрбәйҗанни өз ичигә алған бәш тәрәп вәкиллириниң белгийә пайтәхти бирйусселда көрүшкәнлики тоғрисида байанат елан қилди.
түркийә авази радийоси хәвири: йавропа иттипақи, әзәрбәйҗан, әрменийә, фирансийә вә германийәниң вәкиллири билән белгийә пайтәхти бирйусселда өзара көрүшкәнликини, тәрәпләрниң кейинки қетим әмәлгә ашурулидиған йиғинда нормаллишиш мусаписини илгири сүрүш үчүн ташлинидиған конкрет қәдәмләрни музакирә қилғанлиқини билдүрди.
байанатта билдүрүлишичә, йавропа иттипақи кеңиши чарлез мишелниң мәслиһәтчилири симон морду, магдалена гроно, йавропа иттипақиниң җәнубий кавказ алаһидә вәкили тойво клар вә әзәрбәйҗан пирезидентлиқ мәһкимисиниң мәслиһәтчиси һикмәт һаҗийев, әрменийә дөләт хәвпсизлик кеңишиниң катипи армен григорйан, фирансийә пирезиденти макронниң мәслиһәтчиси еммануел бон, германийә баш министири олаф шолзниң мәслиһәтчиси плотнер вә йавропа иттипақи кеңишиниң башлиқи мишел қатарлиқларниң қатнишишида йиғин өткүзүлгән.
йиғинда, йавропа иттипақи хәлқаралиқ инсанпәрвәрлик йардәмләрниң йәткүзүлүшигә вә кишилик һоқуқ паалийәтчилиригә рухсәт қилишни, очуқ-ашкарилиқ һәмдә әзәрбәйҗанниң қарабағда йашайдиған әрмәнләргә мунасивәтлик пилани тоғрисида тәпсилий мәлуматқа еһтийаҗлиқ икәнликини оттуриға қойди.
әзәрбәйҗан пирезидентлиқ мәһкимисиниң мәслиһәтчиси һикмәт һаҗийев әзәрбәйҗанниң йәрлик хәлққә инсанпәрвәрлик йардәмлирини йәткүзүш вә бихәтәрликни капаләткә игә қилиш пиланлирини хуласилиди.
һаҗийев билән григорйан кейинки қетим өткүзүлидиған йиғинда нормаллишиш мусаписини илгири сүрүш үчүн ташлинидиған конкрет қәдәмләр үстидә сөһбәт өткүзди.
байанатта, мәзкур йиғинниң 5-өктәбир (2023) дә испанийәдә өткүзүлидиған йавропа сийасий җәмийәтләр йиғини рамкисида, мишел билән төт дөләтниң рәһбәрлири оттурисида әмәлгә ашурулидиған учришишниң тәййарлиқлири үчүн өзара пикир алмаштурушқа шараит йаритип бәргәнлики қәйт қилинди.
