wujij: kosowudiki hujumni kosowuluq sérblar qildi
sérbiye pirézidénti aléksandar wujij kosowuning shimalida yüz bergen qoralliq toqunushta bir kosowu saqchisining ölümi bilen axirlashqan hujumning, kosowuluq sérblar teripidin qilinghanliqini bildürdi.
türkiye awazi radiyosi xewiri: sérbiye pirézidénti aléksandar wujij qoralliq guruppilarning saqchilargha oq chiqirishi netijiside bir saqchi xadimi jénidin ayrilghan hujum munasiwiti bilen axbarat élan qilish yighini ötküzdi.
u: «bir guruppa kosowuluq sérb banzhskada qatnashni tosti, saqchilar yétip kelgende oq chiqardi. netijide bir saqchi xadimi jénidin ayrildi, bir kishi yarilandi we özara étishish yüz berdi» dédi.
u xelqaraliq organlarni bir qanche qétim agahlandurghan ishning yüz bergenlikini, kosowuluq sérblarning kosowu bash ministiri albin kurtining «térrorluqi» gha chidiyalmighanliqini ilgiri sürdi we mundaq dédi:
«ümid qilidighini urush we toqunush. sérbiyening nato bilen toqunushini ümid qilidu. xelqaraliq organlardin baldurraq sérb yerlik hökümetler birleshmisining qurulushini telep qilimen. bundaq bolghanda, sérblar özlirini sürgün qilinghandek hés qilmaydu we bundaq toqunushlarning aldini alghili bolidu. xelqni tinchliqni qoghdashqa we soghuqqan bolushqa chaqirimen. qan tökülmesliki üchün birlikte qolimizdin kélishiche tirishchanliq körsiteyli» dédi.
u kéynki künlerde yéngi qararlarning élinidighanliqini eskertip: «sérbiye kosowuning musteqilliqini hergiz étirap qilmaydu. xalisa hemmimizni öltürsun. her qachan söhbet ötküzüshke teyyarmiz, emma kosowuning musteqilliqini qetiy tonumaymiz» dédi.
