pakistan bilen özbékistan hemkarliqini kücheytishni qarar qildi

türkiye awazi radiyosi xewiri: pakistan radiosining xewer qilishiche, pakistan muweqqet hökümiti bash ministiri enwarulheq kakar 78- nöwetlik b d t omumiy kéngishi yighinigha ishtirak qilish barghan amérika qoshma ishtatlirining nyuyork shehiride özbéksitan pirézidénti shewket mirziyayéw bilen körüshüp, pakistan bilen özbéksitanning siyaset, soda, iqtisad, bixeterlik, mudapie we qatnash liniyeliri qatarliq sahelerdiki ikki tereplik hemkarliqini chongqurlashturush toghrisida pikir almashturghan hemde rayon iqtisadining bir gewdilishishini ilgiri sürüsh iradisini qayta tekitlep, rayonlar ara alaqini kücheytish yolida rol oynashni qarar qilghan.

kakar pakistan bilen özbékistan otturisidiki yéqinqi yillardin buyan künséri küchiyiwatqan ikki tereplik hemkarliqtin memnun ikenlikini bildürgen we buni dawamlashturush kéreklikini tekitligen.

ikki dölet imzalighan sodida étibar qilish kélishimi we ötkünchi soda kélishimining yolgha qoyulushining sodini we bésip ötüsh salmiqini ashuridighanliqini bildürgen kakar, islamabadning afghanistanni bésip ötidighan tömür yol türini waqtida tamamlash iradisini qayta tilgha élip ötken.

u yene, rayon xaraktérlik qatnash tügüni, soda we iqtisadni bir gewdileshtürüsh qatarliqlarning afghanistanni muqimlashturush roligha ige ikenlikini otturigha qoyghan.

axirida, ikki rehber rayon bixeterliki we muqimliqigha munasiwetlik mesililer toghrisida pikir almashturghan.