amérika rusiyege yéngi jazalarni yolgha qoyghanliqini élan qildi
amérika maliye ministirliqi rusiyening ukrainagha qarshi urushini qollighan we qollashni dawamlashturuwatqanlargha qarita 100 ge yéqin yéngi jaza türining yolgha qoyulghanliqini élan qildi.
türkiye awazi radiyosi xewiri: amérika maliye ministirliqi bayanat élan qilip, amérika chet el mal - mülkini kontrol qilish ishxanisining rusiyening ukrainagha qarshi urush qilish iqtidarini ajizlashturush üchün, rusiye serxilliri, rusiyening sanaet bazisi, pul- muamile apparatliri we téxnika bilen teminligüchilerni jaza tizimlikige kirgüzgenlikini uqturdi.
amérika chet el mal - mülkini kontrol qilish ishxanisining 100 ge yéqin jazani yolgha qoyghanliqigha isharet qilinghan bayanatta, amérika tashqi ishlar ministirliqiningmu 70 köp ademni jaza tizimlikige ilawe qilghanliqi qeyt qilindi.
bayanatta, amérika chet el mal - mülkini kontrol qilish ishxanisining rusiye-ukraina urushidin nepke érishkenlerni, shundaqla rusiyeni asas qilghan halda herbiy matériyallarni ishlepchiqirish arqiliq urushni biwasite qollaydighan orunlargha zerbe bérip, rusiyening teminlesh zenjirini qalaymiqanlashturush üchün jaza yürgüzülgenliki tekitlendi.
مۇناسىۋەتلىك خەۋەرلەر
nigériyede bir jamede partlash yüz bérip 11 adem qaza qildi
nigériyening kano ölkisidiki bir jamede yüz bergen partlashta 11 adem hayatidin ayrildi.
