hindistan-ottura sherq-yawropa iqtisadiy karidori kélishimi hasil qilindi
hindistan bash ministiri naréndra modi paytext yéngi déhlida ötküzülgen g20 döletler guruhi rehberler yighinida, hindistan-ottura sherq-yawropa iqtisadiy karidori toghrisida «tarixiy ehmiyetke ige kélishim hasil qilinghanliqi» ni élan qildi.
türkiye awazi radyosi xewiri: «The Indian Express» gézitining xewirige asaslanghanda, hindistanning sahibxanliqida <bir dunya, bir aile, bir kelgüsi> témisi astida 18-nöwetliki ötküzüliwatqan g20 döletler guruhi rehberler yighini dairiside, <yershari ul -eslihe, sélinma shérikliki we hindistan-ottura sherq-yawropa iqtisadiy karidori> yighini échildi.
modi yighinda sözligen nutuqida, «bügün bu muhim we tarixiy ehmiyetke ige shériklik toghrisida kélishim hasil qilindi. aldimizdiki mezgillerde, (bu karidor) hindistan, gherbiy asiya we yawropada zor bir iqtisadiy gewdilishishke waste bolidu» dédi.
bash ministir modi yene, bu karidorning dunya miqyasidiki ulinish we sijil tereqqiyatqa yéngi bir yönilish belgileydighanliqini sözlirige ilawe qildi.
bu teshebbus hindistan, ereb birleshme xelipiliki, seudi erebistan, yawropa ittipaqi, fransiye, italiye, gérmaniye we amérikani öz ichige alidu.