shimaliy koréye bashqurulidighan bomba siniqi élip bardi
jenubiy koréye shimaliy koréyening xuangxey déngizi yönilishige qarap charlighuchi bashqurulidighan bomba qoyup bergenlikini jakarlidi.
türkiye awazi radiyosi xewiri: jenubiy koréye bash ishtab bashqarmisi teripidin élan qilinghan bayanatta, shimaliy koréyening shu jay waqti saet 04:00 etrapida xuangxey déngizi yönilishige qarap charlighuchi bashqurulidighan bomba qoyup bergenliki eskertip mundaq déyildi:
«armiyemiz hoshyarliqni östürüp, amérika qoshma shtatliri bilen birlikte qoyuq hemkarliq halitide teyyarliq xizmiti ishlimekte.»
yonxap agéntliqining xewirige qarighanda, jenubiy koréye pirézidént mehkimisi qarmiqidiki dölet mudapie kéngishimu jiddiy yighin chaqirghan.
igilinishiche, amérika qoshma ishtatliri bilen jenubiy koréyening 17 – 31 – awghust künliri birlikte ötküzgen «ulchi erkinlik qalqini» namliq herbiy manéwiridin kéyin, shimaliy koréyening charlighuchi bashqurulidighan bomba siniqi élip bérishi diqqet qozghaydiken.
shimaliy koréye döletlik axbarat wasitiliri jenubiy koréye bilen amérika qoshma ishtatlirining herbiy manéwirining koréye yérim arilidiki «yadro urushi xewipini chongqurlashturuwetkenlikini» ilgiri sürgenidi.
مۇناسىۋەتلىك خەۋەرلەر
nigériyede bir jamede partlash yüz bérip 11 adem qaza qildi
nigériyening kano ölkisidiki bir jamede yüz bergen partlashta 11 adem hayatidin ayrildi.
