nigériyede yéngi ichki kabént élan qilindi
nigériyede 5-ayning 29-küni wezipige olturghan pirézidént bola ehmed tinubu 46 kishilik ichki kabéntini élan qildi.
türkiye awazi radiyosi xewiri: nigériye pirézidéntliq mehkimisining bildürüshiche, pirézidént bola ehmed tinubuning ichki kabénti 46 ezadin teshkil tapidighan bolup, bulardin sekkiz nepiri ayal iken.
tinubuning ichki kabéntidin dangliq siyasiyonlardin sirt yene, yéngi siyasiyonlarningmu orun élishi diqqet qozghaydiken.
nigériyening küchlük siyasiyonliridin riwérs ölkisining sabiq waliyliridin nyésom wiké fédératsiye paytext rayonining reisi, nigériyening bérlinda turushluq sabiq bash elchiliridin yüsüp maytama tuggar tashqi ishlar ministiri süpitide wezipige teyinlengen.
nigériyede 2-ayning 25-künidin 26-künigiche bolghan ariliqta ötküzülgen saylamda ghelibe qilip, wezipige olturghan pirézidént tinubu 29-may küni qesem bergenidi.
مۇناسىۋەتلىك خەۋەرلەر
nigériyede bir jamede partlash yüz bérip 11 adem qaza qildi
nigériyening kano ölkisidiki bir jamede yüz bergen partlashta 11 adem hayatidin ayrildi.
