yehudiy akadémiklar: israiliyening pelestinlikerge yürgüzüwatqan siyasiti ayrimchiliqtur
dunyaning herqaysi jayliridiki yüzligen yehudiy akadémiklar israiliyening nechche on yildin buyan pelestin zéminini ishghal qilish siyasitining «irqiy ayrimichiliq tüzümi» ikenlikini bildürdi.
türkiye awazi radiyosi xewiri: torda élan qilinghan bayannamege amérika qoshma ishtatliri we israiliyeni öz ichige alghan dunyaning herqaysi jayliridiki köpinchisi piroféssor 417 yehudiy akadémik imza qoydi.
bayannamede pelestin xelqining «awaz bérish we namayish qilishni öz ichige alghan barliq kishilik heq – hoquqlardin mehrum ikenliki», hemde «irqiy ayrimichiliq tüzümi astida yashawatqanliqi» tekitlinip mundaq déyildi: «pelestinlikler dawamliq zorawanliqqa duch kelmekte, peqet bu yilla israiliye armiyesi iyordan deryasining gherbiy qirghiqi we ghezze rayonida 190 din artuq pelestinlikni öltürdi, 590 din artuq qurulushni chéqiwetti. köchmen shaykilar jazadin xaliy halda ot qoyush, bulang – talang qilish we adem öltürüsh jinayetlirini sadir qilmaqta.»
«pelestinlikler irqiy ayrimichiliq tüzümi astida yashisila, israiliye yehudiylar üchün démokratik dölet bolalmaydu.»
bayannamede israiliyede esebiy ongchillarning küchining barghanséri zoriyiwatqanliqi, amérikaliq yehudiy milyardér meblegh salghuchilarningmu israiliyediki esebiy ongchillarni qollaydighanliqi qeyt qilindi.
