kanadadiki kelkünde töt kishi yoqap ketti
kanadaning nowa skotya ölkiside shiddetlik yamghur keltürüp chiqarghan kelkünde, ikki kichik balini qoshqanda töt kishi yoqap ketti.
türkiye awazi radyosi xewiri: b b s (BBC) ning xewer qilishiche, kanadaning bezi jaylirida normalda üch ayda yaghidighan yamghur 24 saet ichide yaghqan.
nowa skotya ölkiside shiddetlik yamghur netijiside yüz bergen kelkünde, ikki balini qoshqanda jemiy töt kishi yoqap ketken.
ölke waliysi tim xyuston az dégende yette köwrükni rémont qilish yaki qayta yasashqa toghra kélidighan halgha kélip qalghanliqini éytti.
80 mingdin artuq kishi tok üzülüp qilishning tesirige uchridi. ölkining bezi jaylirida jiddiy halet élan qilindi.
kanada bash ministiri jastin trudo hökümetning bu jeryanda ölkini qollap quwwetleydighanliqi toghrisida wede berdi.
kanada métérologiye idarisi ölkining sherqiy rayonida 30-iyulghiche shiddetlik yamghur yaghidighanliqi heqqide agahlandurush élan qildi.
مۇناسىۋەتلىك خەۋەرلەر
nigériyede bir jamede partlash yüz bérip 11 adem qaza qildi
nigériyening kano ölkisidiki bir jamede yüz bergen partlashta 11 adem hayatidin ayrildi.
