xéylongjyangda bir mektepning ögzisi örülüp chüshti
xitayning xéylongjyang ölkiside bir mektepning tenterbiye zalining ögzisining örülüp chüshüshi netijiside, 11 kishi jénidin ayrildi.
türkiye awazi radiyosi xewiri: shinxua agéntliqining xewiride bildürülishiche, xéylongjyang ölkiside bir mektepning tenterbiye zalining ögzisi yekshenbe küni (23-iyul) kechte örülüp chüshken. del shu waqitta zalda 19 kishi bar bolup, bulardin töt nepiri xarabilik astidin qutulup chiqqan, qalghan 15 kishi xarabilik astida qalghan.
mesul dairiler, xarabilik astida qalghan 11kishining jesitining chiqirilghanliqini, töt kishining yarilanghan halda qutquzuwélinghanliqini uqturghan.
deslepki tekshürüshlerde, tenterbiye zalining qurulushi mezgilide ögzige qanungha xilap halda pérlt maddisining qollinilghanliqining otturigha chiqqanliqi qeyt qilindi.
eskertilishiche, pérlit maddisi nem tartidighan bolup, yamghur yaghqanda éghirliqi éship ögzining örülüp chüshüshige seweb bolghan.
tekshürüsh dairiside, qurulushta xizmet qilghan munasiwetlik kishiler qolgha élindi.
