pakistan bash ministiri shi jinpingdin chongqur minnetdar ikenlikini éytti
pakistan bilen xitay chashma (Chashma) yadro éléktr istansisigha qimmiti 4.8 milyard dollar bolghan 1200 mégawatliq yéngi yadro réaktori yasash kélishimi imzalidi.
türkiye awazi radiyosi xewiri: «Geo News» téléwiziyesining xewiride bildürilishiche, paytext islamabadta chashma yadro éléktr istansisigha 5-yadro réaktor qazini yasash kélishimini imzalash murasimi ötküzülgen.
xitay memliketlik yadro shirkiti (CNNC) ning bashliqi wang yonggé bilen pakistan atom énérgiyesi komitéti(PAEC) ning bashliqi muhemmed seid, chashma yadro éléktr istansisigha qimmiti 4.8 milyard dollar qimmitide 1200 mégawatliq réaktor qazini yasash kélishimini imzalidi.
murasimgha, pakistan bash ministiri shahbaz sherif qatnashti. u mezkur kélishimning ikki döletning iqtisadiy hemkarliqida kélechek üchün bésilghan muhim qedem ikenlikini bildürdi.
u 2023-yili féwralda xitayning yardimide «K-3» yadro éléktr istansisining üchinchi réaktor qazinining ishqa kirishtürülgenlikini, bügün (21-iyun) bolsa «5-chashma» réaktor qazini üchün imza qoyulghanliqini eskertti.
u axirida, xitaygha iqtisadiy yardimi üchün teshekkür éytip, xitay reisi shi jinpingdin chongqur minnetdar ikenlikini éytti.
مۇناسىۋەتلىك خەۋەرلەر
nigériyede bir jamede partlash yüz bérip 11 adem qaza qildi
nigériyening kano ölkisidiki bir jamede yüz bergen partlashta 11 adem hayatidin ayrildi.