sudandiki shiddetlik bombardimanda 17 kishi qaza qildi

türkiye awazi radiyosi xewiri: sudanda armiye bilen yérim herbiy téz qollash küchliri (HDK) otturisidiki toqunush 47 kündin buyan dawamlashmaqta.

sudan doxturlar uyushmisining bayanatida, paytextning jenubidiki mayo rayonida tünügün (31-may) ki shiddetlik bombardiman netijiside 17 kishining qaza qilghanliqi, 36 nepiri éghir bolup, jemiy 106 kishining yarilanghanliqi bildürüldi.

bayanatta, beshair tetqiqat doxturxanisining yarilanghanlar sanining köplüki we sehiye xadimlirining kemliki sewebidin bémarlarni dawalashta qiyinchiliqqa duch kelgenliki uqturuldi.

bu ariliqta, sudan awiyatsiye idarisi insanperwerlik yardem we tarqaqlashturush uchushliridin bashqa, hawa sahesini taqash qararining 15-iyunghiche uzartilghanliqini élan qildi.

sudan hawa sahesi aprélning otturilirida dölet armiyesi bilen yérim herbiy téz qollash küchliri (HDK)  otturisidiki ichki toqunushtin kéyin taqalghan idi.