еквадорда таш гүмүрүлүш вәқәсидә җенидин айрилғанларниң сани ашти
җәнубий америка қитәсигә җайлашқан еквадорда 27-март йүз бәргән тағ гүмүрүлүп чүшүш вәқәсидә җенидин айрилғанларниң сани 51 гә чиқти.
түркийә авази радийоси хәвири: еквадор дөләтлик хәтәрни башқуруш катибатлиқиниң байанатида, чимборазо иштатиниң алавси базиридики тағ гүмүрүлүп чүшүш вәқәсидә җенидин айрилғанлар саниниң көпәйгәнлики билдүрүлди.
даириләр, йәр астида һазирғичә 37 адәм барлиқини, җәсәтләрни тепиш үчүн инчикә хизмәтләрниң ишлиниватқанлиқини байан қилди.
тағ гүмүрүлүп чүшүш вәқәсидә, 163 өйниң зийанға учриғанлиқи вә 57 өйниң пүтүнләй вәйран болғанлиқи елан қилинди.
йәрлик таратқуларниң хәвиригә қариғанда, бу райондики тағда бир мәзгил йериқ пәйда болуп, тағ гүмүрүлүп чүшүшни кәлтүрүп чиқарған.
еквадор қатнаш министирлиқи тақалған йолларни қатнашқа ечиветиш үчүн тиришчанлиқ көрситливатқанлиқини вә 30-март чимборазо иштатида «җиддий һаләт» елан қилинғанлиқини билдүрди.
