baydin dunya  musulmanlirining roza héytini tebriklidi

türkiye awazi radiyosi xewiri: pirézidént baydin dunya musulmanlirining roza héytini tebriklep élan qilghan bayanatida, mundaq dédi: «ey musulmanlar! siler mubarek ramizan éyini axirlashturup, roza héytni tebriklewatqan bir peytte, ayalim jim we men ikkimiz,  dölitimiz we dunyadiki barliq musulmanlar jamaitige eng güzel tileklirimizni sowgha qilimiz. roza héytinglargha mubarek bolsun!»

baydin musulmanlarning fitre ibaditining wasitisi arqiliq éhtiyajliq kishilerge yémek - ichmek wesediqe qilish arqiliq namayan qilghan séxiyliqidin intayin tesirlengenlikini éytti.

amérika qoshma ishtatliri pirézidénti jo baydin roza héytning dunyaning herqaysi jayliridiki toqunushlar, namratliq, acharchiliqni bashtin kechürüwatqan, türlük késelliklerge giriptar boluwatqan we yurt-makanliridin ayrilip qéliwatqan musulmanlar jemiyetliri yad étilidighan, pidakarliq, xeyr-saxawet we tepekkür qilish üchün béghishlanghan mubarek bir ayning tamamlanghanliqidin dérek béridighanliqini qeyt qildi.

baydin amérika hökümitining islam düshmenliki qatarliq her xil öchmenlik jinayetlirige qarshi küresh qilish iradisining qeytlikini eskertti.

u amérika qoshma ishtatlirining herqaysi jayliridiki köpligen rayonlarda amérikaning güllinishige töhpe qoshuwatqan musulmanlarni teqdirlesh üchün aqsarayda roza héytni tebriklesh murasimi ötküzidighanliqliridin pexirlinidighanliqini qeyt qildi.

baydin sözini «roza héytinglargha mubarek bolsun!» tilekliri bilen tamamlidi.