rusiye engliye, amérika we kanadagha ultimatom tapshurdi
rusiye engliye, amérika we kanadagha «ichki ishlirigha arilashqanliqi»ni ilgiri sürüp, naraziliq ultimatomi tapshurdi.
türkiye awazi radiyosi xewiri: rusiye tashqi ishlar ministirliqi yazma bayanat élan qilip, engliye, amérika we kanadaning rus öktichi siyasetchi wiladimir kara-murzaning 25 yilliq qamaq jazasigha höküm qilinishi toghirisida «qutritish» xaraktérlik bayanatlarni élan qilghanliqini we u heqte «yalghan» uchurlarni tarqatqanliqini ilgiri sürdi.
mezkur döletlerning ipadilirini «qobul qilghili bolmaydighanliqi» tekitlengen bayanatta, shunga engliyening moskwada turushluq bash elchisi débora bronnért, amérikaning moskwada turushluq bash elchisi linné trasiy we kanadaning moskwada turushluq bash elchisi alison lé kléyérning ministirliqqa chaqirilghanliqi bildürüldi.
bayanatta, bu xil heriketler «rusiyening ichki ishlirigha arilishish» dep qaralghachqa, bash elchilerge naraziliq ultimatomi tapshurulghanliqi qeyt qilindi.
engliye puqraliqimu bolghan öktichi siyasetchi wiladimir kara-murza düshenbe küni (17-aprél) rusiyede «wetenge xiyanet qilish» we «rusiye armiyesi heqqide yalghan xewer tarqitish» jinayiti bilen eyiblinip, 25 yilliq qamaq jazasigha höküm qilinghan hemde 400 ming rubli (texminen 5 ming dollar) jerimane qoyulghanidi.
engliyeni öz ichige alghan bir qisim gherb döletliri mezkur hökümni eyiblep bayanatlarni élan qilghanidi.
مۇناسىۋەتلىك خەۋەرلەر
nigériyede bir jamede partlash yüz bérip 11 adem qaza qildi
nigériyening kano ölkisidiki bir jamede yüz bergen partlashta 11 adem hayatidin ayrildi.
