lawrow wénézuélada ziyarette boldi
rusiye tashqi ishlar ministiri sérgéy lawrow wénézuéla pirézidénti nikolas maduro teripidin qobul qilindi.
türkiye awazi radiyosi xewiri: latin amérika ziyariti dairiside wénézuélagha yétip barghan rusiye tashqi ishlar ministiri sérgéy lawrow wénézuéla pirézidénti nikolas maduro teripidin qobul qilindi.
ikki dölet heyetlirimu qatnashqan uchrishish, wénézuéla pirézidénti nikolas maduroning sahibxanliqida pirézidént sariyi mirafloréste emelge ashuruldi.
wénézuéla pirézidénti nikolas maduro ammiwi ortaqlishish tor béti Twitter sehipiside bu heqte élan qilghan sinliq bayanatida, mundaq dédi: «rusiye tashqi ishlar ministiri sérgéy lawrow bilen xushallinarliq uchrishish élip barduq. bu uchrishish ikki dölet otturisidiki munasiwetlirimizni we herqaysi sahelerdiki ortaq hemkarliqimizni téximu kücheytishte muhim rol oynaydu.»
rusiye tashqi ishlar ministiri sérgéy lawrow maduro bilen uchrishishtin ilgiri wénézuéla diplomatiye ministiri ywan gil we wénézuéla muawin pirézidénti délsi rodriguéz bilen körüshkenidi.
rusiye diplomatiye ministirliqi lawrowning 4-ayning 17-21-künliri biraziliye, wénézuéla, nikaragua we kubada resmiy ziyarette bolidighanliqini élan qilghan idi.
lawrow tunji latin amérika ziyaritini düshenbe küni (17-aprél) biraziliyedin bashlighanidi.
مۇناسىۋەتلىك خەۋەرلەر
michotaks türkiyege kélidu
girétsiye bash ministiri kériyakos michotakis paytext enqerede dölet ishliri ziyaritide bolidu.
