кенийәдә бир черкавда ачлиқтин қаза қилған төт кишиниң җәсити тепилди

түркийә авази радийоси хәвири: сақчилар бир пуқраниң «черкавда гуманлиқ паалийәтләр елип бериливатиду» дәп йоллиған учуридин кейин, түнүгүн килифи районидики «хушхәвәр хәлқара черкави» ға бесип кирип тәкшүрүш елип барған.

черкавда елип берилған тәкшүрүштә, 3 айални қошқанда җәмий 4 кишиниң қәсити тепилған.

сақчилар бу кишиләрниң ачлиқтин қаза қилғанлиқини дәлиллиди.

тәксүрүштә 11 кишиниң қутқузувелинғанлиқи, 6 кишиниң ачлиқтин бир терә, бир сөңәк һалға келип қалғанлиқи вә әһваллириниң интайин еғир икәнлики билдүрүлди.

тәкшүрүш җәрйанида черкавниң попиниң нәқ мәйдандин қечип кәткәнлики уқтурулди.

черкавниң попи алдинқи айда икки өсмүрниң өлүмигә җавабкар дәп әйибләнгән болуп, кейин кепилликкә қойуп берилгән иди.

сақчиларниң доклатиға асасланғанда, йеқинқи йиллардин буйан кенийәдә зораванлиқ вә җинайи қилмишларни өз ичигә алидиған паалийәтләрни тәшкилләйдиған хиристийан тәриқәтлириниң сани көрүнәрлик дәриҗидә ашқан.