б д т: 400 миң көчмән бу йил дариен каридоридин өтүши мумкин
бирләшкән дөләтләр тәшкилати бу йил панама вә коломбийә чеграсидики дариен каридоридин өтидиған тәртипсиз көчмәнләр саниниң 400 миңға йетиши мумкинчиликиниң барлиқини билдүрди.
1975018
түркийә авази радийоси хәвири: бирләшкән дөләтләр тәшкилати мусапирлар вә көчмәнләр башқармилириниң доклатиға қариғанда, бу йил киргәндин буйан панама вә коломбийә чеграсидики дариен каридоридин тәхминән 100 миң киши өткән болуп, бу сан өткән йилниң охшаш мәзгилидикидин алтә һәссә көп икән.
бу йил дариен каридорин өтидиған көчмәнләр саниниң 400 миңға йетиш мумкинчилики бар икән.
бултур бу каридордин 250 миң көчмәнниң өткәнлики нәзәрдә тутулғинида, бу йил техиму көп көчмәнниң өтүш еһтималлиқи йуқири икән.
америка қошма иштатлири дариен каридорида паалийәт елип бериватқан әткәсчилик шайкилирини йоқитиш мәқситидә ахбарат топлаш мәсилисидә коломбийә вә панамани қоллимақта икән.
