әрдоған барлиқ аниларниң «анилар байрими» ни тәбрикләп муһим сөз қилди

түркийә авази радийоси хәвири: әрдоған йазмисида: «барлиқ аниларниң анилар байримини тәбрикләймән, аләмдин өткән барлиқ анилиримизни аллаһтин рәһмәт теләш билән вә миннәтдарлиқ билән әсләймән. сөйгү, шәпқәт вә пидакарлиққа охшаш гүзәл хисләтләрниң мисали һесаблинидиған анилиримиз һайатимизниң әң қиммәтлик байлиқлиридур. болупму әзиз шеһитлиримизниң бизгә аманити болған шеһит анилири қатарлиқ, бу тәңдашсиз хәзинигә игә чиқишимиз лазим. анилиримизға қанчилик әһмийәт беридиғанлиқимизни һәр пурсәттә әң йахши усулда көрситишимиз лазим. бир аниниң балисиға болған шәпқитини селиштурушқа болидиған инсаний туйғу интайин аз. бүгүн анилиримизға миннәтдарлиқ билдүрүпла қалмай, уларниң һайатимизға көрсәткән тәсирини әсләш үчүнму интайин әһмийәтлик бир пурсәттур. биз җәннәтни аниларниң айиғи астида көридиған бир етиқадниң мәнсуплири болуш сүпитимиз билән мәсулийәтлиримиз вә мәҗбурийәтлиримизни ада қилғанда, анилиримизниң хәйрилик дуалириниң әң муһим күч мәнбәйимизниң бири болидиғанлиқини унтуп қалмаслиқимиз керәк» деди.