еквадор парламентида пирезидентни сотлаш тәклипи қобул қилинди
җәнубий америка дөлити еквадорда пирезидент гилермо лассони сотлаш тәклипини өз ичигә алған комитет доклати парламентта қобул қилинди.
түркийә авази радийоси хәвири: парламентқа сунулған доклатта, лассониң қәйин иниси данило каррера вә униң йеқин дости рубен черресниң зәһәрлик чекимлик әткәсчилики вә чириклик қатарлиқ җинайәтләр билән тәкшүрүлүватқанлиқи, пирезидент лассониң бу паалийәтләрдин хәвири бар туруғлуқ сотқа доклат қилмиғанлиқи илгири сүрүлди.
дөләт мәҗлисидә 6 саәт муназирә қилинған доклат 18 рәт авазға қарши 104 қоллаш авази билән қобул қилинди. 3 нәпәр парламент әзаси беләт ташлаштин ваз кәчти.
қобул қилинған доклатниң қануний иҗра күчигә игә әмәслики билдүрүлди. әмма лассо сот қилинған тәқдирдә, әгәр униң җинайити бекитилсә, парламентниң уни вәзиписидин елип ташлашни тәләп қилип йәнә бир қетим йиғин чақиридиғанлиқи уқтурулди.
узун мәзгилдин бери лассо вә униң аилә тавабиатлирини чириклик билән әйибләп келиватқан өктичиләр, президентниң вәзиписидин елип ташлинишини тәләп қилмақта.
