gollandiye rusiyening bezi diplomatlirini chégradin qoghlap chiqiridu

türkiye awazi radiyosi xewiri: gollandiye hökümiti resmiy tor bétide, rusiyening bezi diplomatlirining we sayint.pétérsburg shehiridiki gollandiye konsulxanisining taqilidighanliqini élan qildi.

bayanatta: «rusiye istixbarat xadimlirini diplomat körsitip, ularni dawamliq gollandiyege orunlashturuwatidu. gollandiyening moskwa elchixanisi we sayint.pétérsburg konsulxanisi diplomatlirigha wiza bérilmidi. rusiyening gollandiyediki diplomatlirining sani, gollandiyening rusiyediki diplomatliridin köp bolsa bolmaydu. shunga, bezi rus diplomatlar gollandiyedin chiqip kétishi kérek. chégradin chiqip kétishi kérek bolghan rusiye diplomatlirigha ikki hepte waqit bérilidu. rusiyening amstérdamdiki soda ishxanisimu 21-féwraldin (2023) tartip taqilidu» déyildi.

bayanatta, rusiyening wiza bermesliki sewebidin gollandiyening sayint.pétérsburgdiki konsulxanisida xizmet qilidighan xadimlarning yéterlik emesliki, shunga 20-féwraldin (bügün) tartip taqilidighanliqi eskertildi.

gollandiye hökümiti 24-féwral (2022) rusiye ukrainagha qarshi tajawuzchiliq urushini qozghap bir ay ötkende, jasusluq qilghanliqini seweb körsitip 17 neper rus diplomatini chégradin qoghlap chiqarghan idi.

rusiyemu buninggha jawaben 15 neper gollandiye diplomatini chégradin qoghlap chiqarghan idi.