kanadada bayqalghan we étip chüshülgen namelum jisim xitaygha tewe jasusluq sharimu?
kanada bash ministiri jastin trudo amérika hawa armiyesige tewe F-22 tipliq küreshchi ayropilanining yokon rayoni hawa tewelikide namelum bir jisimni pachaqlap tashlighanliqini élan qildi.
türkiye awazi radiyosi xewiri: kanada bash ministiri jastin trudo ijtimaiy alaqe hésabida hembehirligen uchurida, «kanadaning hawa tewelikige qanunsiz kirgen namelum jisimni étip chüshürüshke buyruq berdim. shimaliy amérika alem qatnishi mudapie qomandanliq orgini (NORAD) yokon rayoni hawa tewelikidiki namelum jisimni pachaqlap tashlidi. kanada we amérika ayropilanliri we amérikaning F-22 küreshchi ayropilani hawagha kötürülüp, namelum jisimgha muweppeqiyetlik zerbe berdi» dédi.
kanada bash ministiri amérika pirézidénti jo baydin bilen sözleshkenlikini tekitlep, «kanada armiyesi emdilikte jisimning qalduqlirini chiqirip tekshüridu. shimaliy amérikani közitishni dawamlashturiwatqanliqi üchün shimaliy amérika alem qatnishi mudapie qomandanliq orgini (NORAD) qa rehmet éytimiz» dédi.
bash ministir trudo bu jisimning shar yaki ayropilan ikenliki heqqide héchqandaq melumat bermidi.
amérika armiyesi yadro qorallar orunlashturulghan montana ishtatida normalsiz radar herikitini bayqighanliqi sewebidin rayonni qisqa waqitliq uchushqa taqidi. uzun ötmey bu cheklime bikar qilindi.
amérika bir hepte ilgiri xitayning közitish sharining hawa boshluqigha kirgenlikini we kéyin sharning atlantik okyan asminida amérika herbiy ayropilani teripidin étip chüshürülgenlikini élan qilghan idi.
analizchilar, kanadada bayqalghan we étip chüshürülgen namelum jisimning xitaygha tewe bolush éhtimalliqini ilgiri sürmekte
