engliyede turmush tennerxining ösüp kétishi, xan jemetiningmu diqqitini tartti

türkiye awazi radiyosi xewiri: engliye padishahi 3-charléz textke chiqqandin kéyinki tunji qétimliq rozhdéstwani tebriklesh télégrammisini windsor (Windsor) qeleside élan qildi.

u enenilerdin del eksiche olturup emes, öre turup élan qildi. uning télégrammisining eng diqqet tartidighan yéri turmush tennerxining ösüp kétishi üstide toxtalghan bölüm boldi.

u dunyadiki toqunushlar, acharchiliq we tebiiy apetler sewebidin her xil qiyinchiliqlarning otturigha chiqqanliqini, engliyening nahayiti tes bir yilni bashtin kechürgenlikini qeyt qildi.

u ichimlik su, éléktr heqqini töliyelmeywatqanlarni, yémek-ichmek bankasigha iltimas sunghanlarni xatirilitip, bu weziyettin endishe qiliwatqanliqini eskertti.

engliyede 2022-yili noyabirdiki pul paxalliqi %10.7 bolghan idi.

engliyede mal bahasining izchil örlishi we énérgiye xirajetlirining köpiyishi kishilerni qiynimaqta.

engliyede birinchi qétimliq rozhdéstwani tebriklesh télégrammisi 1932-yili padishah 5-jorj teripidin radiyoda élan qilinghan idi. ayal padishah 2-élizabét textke chiqqan 1952-yildin buyan rozhdéstwani tebriklesh télégrammisi radiyo we téléwizorda élan qilinip kelmekte.

rozhdéstwani tebriklesh télégrammisi élan qilghan axirqi er padishah 1951-yilda padishah 6-jorj bolghan idi.