amérika rusiyediki bir qatar organlarni jaza tizimlikige kirgüzdi
amérika rusiye déngiz armiyesi bilen munasiwiti bar 10 rusiye paraxot shirkitining jaza tizimlikige kirgüzülgenlikini uqturdi.
türkiye awazi radiyosi xewiri: amérika tashqi ishlar ministirliqi yazma bayanat élan qilip, 24-féwral (2022) ukrainagha urush achqan rusiyening mudapie orunlirigha bedel töletküzüsh üchün, déngiz armiyesi bilen chétishliqi bar organlarning amérikaning zerbe obyéktigha aylanghanliqini bildürdi.
bayanatta, jaza tizimlikige kirgüzülgen 10 rusiye orginining altisining mudapie we déngiz armiyesi saheside meshghulat qilidighanliqi, qalghan tötining déngizchiliq ishliri bilen shughullinidighanliqi eskertildi.
amérika tashqi ishlar ministiri antoniy blinkén bu heqte bayanat bérip: «rusiyening ukrainadiki wijdansizlarche urushi tüpeyli, bizning rusiye pirézidénti wladimir putin we uninggha yardem qilghanlarni qoshumche éghir aqiwetlerge duchar qilish iradimiz qetiy. amérika bügün dunya nahayiti éhtiyajliq boluwatqan yémeklik we ashliq teminleshke qarshi rusiye déngiz armiyesining ukraina portlirida qilghan zerbe bérish heriketliridin kéyin, rusiye déngiz armiyesi qisimlirigha jaza yürgüzmekte» dédi.
مۇناسىۋەتلىك خەۋەرلەر
nigériyede bir jamede partlash yüz bérip 11 adem qaza qildi
nigériyening kano ölkisidiki bir jamede yüz bergen partlashta 11 adem hayatidin ayrildi.
