перу һөкүмити мексиканиң баш әлчисини «қарши елинмайдиған киши» елан қилди

түркийә авази радийоси хәвири: мексика ташқи ишлар министири марсело ебрард лимадики баш әлчини «қарши елинмайдиған киши» елан қилған перу һөкүмитигә қаттиқ наразилиқ билдүрди.  

ебрард тивиттер адресида елан қилған байанатида, бу қарарни тәнқид қилип: «перу һөкүмитиниң лимадики баш әлчи пабло монройға дөләттин чиқип кетиши үчүн 72 саәт мөһләт бәргәнлики маңа билдүрүлди. бу қарар асассиз вә әйиблинишкә тегишлик, дәп қараймән. баш әлчимизниң позитсийәси қанунға вәбир дөләтниң ички ишлириға арилашмаслиқ пиринсипиға толуқ мас келиду. мексиканиң позитсийәси өзгәрмәйду» деди.

ебрард әлчиханиниң биринчи катипи карла татйана орнелас лоераниң перудики баш әлчилик паалийитини давамлаштуридиғанлиқини тәкитләп, әлчихана паалийәтлириниң нормал давамлишидиғанлиқини тилға алди.

перу һөкүмити сабиқ пирезидент педро кастиллониң аилисидикиләргә панаһлиқ бәргәнлики үчүн мексиканиң лимада турушлуқ баш әлчиси пабло монройни «қарши елинмайдиған киши» елан қилған вә униң чеградин чиқип кетишигә 72 саәтлик мөһләт бәргән иди.

сабиқ пирезидент педро кастиллониң айали вә пәрзәнтлири мексиканиң лимадики әлчиханисиға берип, панаһлиқ тилигән иди.