sherif sabiq bash ministir imran xanni eyibleshlirini delilleshke chaqirdi
pakistan bash ministiri shahbaz sherif, özining sabiq bash ministir imran xangha qilghan qoralliq suyiqest bilen chétishliqi barliqi heqqidiki eyibleshlerni ret qildi.
türkiye awazi radiyosi xewiri: pakistan bash ministiri shahbaz sherif, lahor shehiride muxbirlarni kütüwélish yighini ötküzüp, asasiy qanun mehkimisining reisi ömer ata bandiyalni sabiq bash ministir imran xangha qaritilghan hujumni tekshürüsh üchün sot komitéti qurushqa chaqirdi.
u özi, ichki ishlar ministiri rana sanaullah, istixbarat (ISI) idarisi muawin bashliqi mayor général faysal nasirning weqe bilen chétishliqi barliqining ispatlishini telep qilip: «eger imran xan hujumning arqisida méning barliqimni ispatlisa, méning bu orunduqta (bash ministirliq mensipi) olturushni dawamlashturush heqqim yoq» dédi.
penjab hökümitining imran xanning partiyesining qolida ikenlikige isharet qilghan sherif, hujumni aydinglitishni penjab hökümitidinmu telep qilish kéreklikini otturigha qoydi.
bu jeryanda, pakistan éléktironluq taratqularni nazaret qilip bashqurush orgini, «dölet organlirining suyiqest pilanlighanliqigha oxshash töhmetlerni tarqatqanliqi»ni ilgiri sürüp, imran xanning nutuqliri we axbarat élan qilish yighinlirining barliq süniy hemrah qanallirida tarqitilishini cheklidi؛ organ, imran xanning nutuqlirini tarqitishning ammiwi tertipni qalaymiqanlashturup, xelq arisida öchmenlik peyda qilidighanliqini qeyt qildi.
mushu yil (2022) 10 – aprélda hökümiti tarqilip ketken imran xan, nöwettiki birleshme hökümetning <muddettin burun saylam ötküzüshni qarar qilmighanliqigha naraziliq bildürüsh üchün, 28-öktebir lahordin islamabadqa yürüsh naraziliq herikitini bashlighan, 11 – ayning 3 – küni wezirabad shehiride qoralliq hujumgha uchrap ikki püti yarilanghan, weqede bir adem qaza qilghanidi.
مۇناسىۋەتلىك خەۋەرلەر
nigériyede bir jamede partlash yüz bérip 11 adem qaza qildi
nigériyening kano ölkisidiki bir jamede yüz bergen partlashta 11 adem hayatidin ayrildi.
