zéléniskiy ukrainaning bezi jaylirining igiliwélinishining inawetsizliki toghrisida qararname chiqardi
ukraina pirézidénti wiladimir zélénskiy qararname élan qilip, dölitining bezi jaylirining rusiye teripidin igiliwélinishining inawetsiz ikenlikini jakarlidi.
türkiye awazi radiyosi xewiri: pirézidént wiladimir zélénskiy, rusiye pirézidénti wiladimir putinning 2014- yilidin buyan qirimni öz ichige alghan donétsiki, luxanski, xérson we zaporizhya rayonlirini rusiyege qoshuwélish qararining inawetsiz ikenliki toghrisida qararname élan qildi.
ukraina pirézidéntliq mehkimisining intérnét sehipiside élan qilinghan yazma bayanatta, putinning 2014 – yilidin buyan imzalighan qararnameliri yaki ularning rohigha asasen chiqirilghan bashqa qarar, siyaset we kélishimlerning inawetsiz ikenliki, ularning héchqandaq qanuniyliqi yoqluqi tekitlendi.
zélénskiy tünügün ukraina dölet bixeterlik kéngishi teripidin teyyarlanghan permangha imza qoyup , 24 – féwraldin buyan dawamlishiwatqan rusiye – ukraina urushida toghrisida rusiye prézidénti putin bilen söhbetlishishning mumkin emeslikini mezmun qilghan ukraina dölet bixeterlik kéngishining qararnamesini imzalighanidi.
rusiye, qirim (2014), donétsiki, luxanski, xérson we zaporizhya qatarliq ukraina zéminlirining texminen 15 pirsentini öz zéminigha qoshuwaldi.
pirézidént wiladimir putin bilen rusiye terepdari atalmish hökümetlerning bashliqliri 30- séntebir paytext moskwada murasim ötküzüp, ukrainaning donétsiki, luxanski, xérson we zaporizhya rayonlirining rusiyege qoshulushi toghrisida kélishim imzalighanidi.
