borrél yawropaning irangha bezi cheklimilerni qoyidighanliqining signalini berdi
yawropa ittipaqining tashqi munasiwet we bixeterlik siyasiti boyiche aliy wekili josép borrél, yawropaning irangha bezi cheklimilerni qoyidighanliqining signalini berdi.
türkiye awazi radiyosi xewiri: yawropa ittipaqining tashqi munasiwet we bixeterlik siyasiti boyiche aliy wekili josép borrél, mehsa eminining öltürülüshige qarshi bashlanghan namayishlarning qattiq qolluq bilen basturghan irangha qarita cheklesh tedbirlirini öz ichige alghan herxil tallashlarni muzakire qilidighanliqlirini bildüdi.
josép borrél yawropa parlaméntining iran weziyiti toghrisidiki omumiy kéngesh yighinidiki sözide, 17-öktebir ötküzülidighan yawropa ittipaqigha eza döletler tashqi ishlar ministirliri yighinida cheklesh tedbirlirini öz ichige alghan barliq tallashlarning muzakire qilinidighanliqini bildürdi.
u ötken ayda amérika qoshma ishtatlirining nyuyork shehiride ötküzülgen birleshken döletler teshkilati omumiy kéngishi yighinida, iran pirézidénti ibrahim reisini iran puqralirining asasiy hoquqlirigha hörmet qilish we mahsa eminining ölümining gumandarlirining jawabkarliqini sürüshte qilishqa chaqirghanliqini tilgha élip ötti.
irandiki namayishlarda muwazinetsiz küch ishlitilgenlikini tilgha alghan borrél: «nechche on kishining hayatidin ayrilghanliqini, weqelerni xewer qilghan muxbirlarning yarilanghanliqini yaki nazaret astigha élinghanliqini, torgha chiqishqa cheklime qoyush arqiliq toghra uchurgha érishish we perqliq pikirlerning otturigha chiqishigha tosqunluq qilinghanliqi»ni bildürdi.
irangha qarita bezi tedbirlerni yolgha qoyush mesilisining ete yawropa parlaméntida awazgha qoyulushi pilanlanmaqta.
