amérika téxnologiye shirketlirige xitay cheklimisi qoyulidu
amérika qoshma ishtatlirida fédératsiye meblighidin behrimen boluwatqan amérika téxnologiye shirketlirining xitayda yuqiri téxnologiyelik muesseseler qurushining 10 yil cheklinidighanliqi bildürüldi.
türkiye awazi radiyosi xewiri: amérika téxnologiye shirketlirining xitayda yuqiri téxnologiyelik muesseseler qurushini cheklesh heqqidiki qarar, amérika qoshma ishtatlirida özek sahesini tereqqiy qildurush meqsitide élan qilinghan 50 milyard dollarliq pilanning bir qismi dairiside chiqirildi.
amérika qoshma ishtatliri soda ishliri ministiri gina raymondo, yérim ötküzgüch ishlepchiqirish yardemchi fondining qoshumche righbetlendürüsh meblighidin behrimen boluwatqanlarning, dölet bixeterlikige ziyan yetküzmeslikige kapaletlik qilish üchün, bu shirketlerning xitayda uda 10 yil ilghar téxnologiyeni tereqqiy qildurushigha yol qoyulmaydighanliqini uqturdi.
amérika qoshma ishtatliri pirézidénti jo baydin awghust éyida, ilghar téxnologiyelik ishlepchiqirish we ilmiy tetqiqatlargha 280 milyard dollarliq yardem bérish qanunini imzalighanidi.
bu meblegh, amérika qoshma ishtatlirida kompyutér öziki ishlepchiqirish muesseselirini qurghan shirketlerge qaritilghan bajni azaytish meqsitide ishlitilidu.
amérika qoshma ishtatliri nöwette dunya boyiche yérim ötküzgüch ishlepchiqirishta texminen % 10 lik ülüshke ige.
