xitayda milyonlighan kishi kowid -19 sewebidin qattiq cheklimilerge duchar qilindi
xitayning nurghun sheherliride künséri ewj alghan yuqumlinishqa qarshi tedbirler qaytidin kücheytildi.
türkiye awazi radiyosi xewiri: xitayda milyonlighan kishi qachanghiche dawamlishshi éniqsiz bolghan qattiq cheklimilerge duchar bolmaqta.
bu qétim guangju shehiride yuqumgha qarshi tedbirler kücheytildi. 19 milyon nopusluq sheherde aran 5 kishide wirus bayqaldi. shuning bilen, wirus bayqalghan rayonlarda qattiq cheklimiler yolgha qoyuldi.
sheherde yépiq jaylarda ötküzülidighan barliq paaliyetler emeldin qalduruldi, réstoranlar yiraqtin mulazimet qilishni bashlidi.
guangju shehiride yéngi bashlanghan oqu - oqutush peslimu kéchiktürülüp, aptobus we métro mulazimiti qisqartildi.
shénjén shehiride 9 milyon kishi yashaydighan rayonda qismen karantina yolgha qoyuldi. sheherde yuqumlinish bayqalghan rayonlargha tosuqlar quruldi.
port shehiri dalyendimu qattiq tedbirler yolgha qoyuldi. sheherde 1yérim milyon adem yashaydighan rayonda 5 künlük omumiyüzlük karantina yolgha qoyuldi.
xitayning resmiy bayanatlirida uqturulishiche, xitayda bayqalghan yéngi yuqumlanghuchilarning omumiy sani aran 1675 kishi bolup, dunya ölchimi boyiche normal san dep qarilidu. lékin bu normal sanmu xitayning qattiq tedbirlerni yolgha qoyushigha seweb boluwatqanliqi hemmining diqqitini tartmaqta.
xitayning yuqumlinishni nölge chüshürüsh siyasiti, depmu atalghan ijraatliri emeliyette iqtisadiy ziyanni téximu éghirlashturmaqta.
omumiyüzlük karantina we taqilishlarning iqtisad we teminlesh zenjirige körsitiwatqan éghir tesiri, bu siyasetke dair talash – tartishlarning küchiyishige seweb bolmaqta.
