putin keynige dajishqa bashlidi
rusiye pirézidénti wladimir putin shiwétsiye bilen finlandiyening natogha eza bolushidin özlirining endishelenmeydighanliqini éytti.
1850085
türkiye awazi radiyosi xewiri: rusiye pirézidénti wladimir putin türkmenistanning sahibxanliqida paytext ashiabadta échilghan 6-qétimliq hazar déngizi döletlirining bashliqlar yighinigha qatnashti we arqidin axbarat élan qilish yighini ötküzdi.
u ispaniye paytexti madridtiki nato bashliqlar yighinida, natogha eza bolush üchün namzatliqi qobul qilinghan shiwétsiye we finlandiyege bolghan qarashlirini bayan qildi.
u shiwétsiye we finlandiye bilen arilirida mesile yoqluqini eskertip: «bizning zémin ixtilaplirimiz yaki kélishelmeydighan mesililirimiz yoq. shiwétsiye bilen finlandiyening natogha eza bolushidin endishelenmeymiz» dédi.
emma u, ikki döletning natogha eza bolushining xeterlik ikenliki toghrisida agahlandurup: «ilgiri ular üchün éytqanda héchqandaq xeter yoq idi. mana emdi u yerlerde herbiy qisimlar we herbiy ul-esliheler orunlashturulsa, buninggha jawab bérishke we ularning zéminliri üchün oxshash tehdit shekillendürüshke mejbur bolimiz. bu éniq bolidighan ish. ular buni yaxshi bilishi lazim» dédi.
u ukraina bilen otturida ixtilap peyda bolghanliqini tekitlep, mundaq dédi:
«ukraina bilen bolghan ish pütünley oxshimaydu. shiwétsiye bilen finlandiyede buninggha oxshaydighan mesile yoq. bu pütünley bashqiche ehwal. shiwétsiye bilen finlandiye xalisa natogha qétilsa bolidu.»
u natoning «soghuq urushning qalduqi» ikenlikini eskertip: «nato, amérikagha tashqi siyasitining bir apparati bolush süpitide, <süniy hemrahliri> ni özining buyruqi astida tutush üchün lazim» dédi.
مۇناسىۋەتلىك خەۋەرلەر
nigériyede bir jamede partlash yüz bérip 11 adem qaza qildi
nigériyening kano ölkisidiki bir jamede yüz bergen partlashta 11 adem hayatidin ayrildi.