самар деңизиниң йәттә километир чоңқурлуқидин парахот қалдуқлири тепилди
филиппинниң самар деңизи тәвәликидин тепилған америка парахоти қалдуқлириниң тарихтин буйанқи әң чоңқур җайдин тепилған парахот қалдуқи икәнлики билдүрүлди.
1848125
түркийә авази радийоси хәвири: BBC ниң хәвиригә қариғанда, америка деңиз армийәсигә тәвә «USS Samuel B Roberts» намлиқ парахот иккинчи дунйа уруши мәзгилидә филиппинниң самар деңизи тәвәликидә чөкүп кәткән.
деңиз йүзидин тәхминән 7 километир чоңқурлуқтин тепилған қалдуқлар тарихтин буйанқи әң чоңқур җайдин тепилған парахот қалдуқи сүпитидә тарих сәһипилиридин орун алған.
игилинишичә, америка вә йапонийә деңиз армийәлири өзара етишқан самар урушида талапәткә учриған парахотниң гәвдә қисмида зәмбирәк вә оқ излири бар икән.
самуил B робертс 224 киши билән бирликтә чөкүп кәткәникән болуп, улардин 120 киши 50 саәт бойичә қутқузуш кемилирини қучақлап туруш арқилиқ һайат қелишқа мувәппәқ болғаникән.
