әлийев: әрменийә билән имзаланған байаннамигә асасән қәдәм ташлинишини күтүватимиз

түркийә авази радийоси хәвири: әзәрбәйҗан пирезиденти илһам әлийев, пайтәхт бакуда дөләт ишлири зийаритидә болған русийә дипломатийә министири сергей лавровни қобул қилди.

учришишта, әлийев, бу йилниң башлирида әзәрбәйҗан билән русийә оттурисида «иттипақдашлиқ мунасивәтлири байаннамиси» имзаланғанлиқини әскәртип мундақ деди: «мунасивәтлиримизниң тәрәққийати үчүн бу ачқучлуқ һөҗҗәтниң узун муддәтлик, наһайити мувәппәқийәтлик һәмкарлиқниң аҗайип нәтиҗиси икәнликигә ишинимән.»

әзәрбәйҗан билән әрменийә оттурисидики мунасивәтләрниң нормаллишиш басқучида дөлитиниң позитсийәниң һәммигә айан икәнликини қәйт қилған әлийев, мундақ дәп көрсәтти: «бу позитсийә, районда узун муддәтлик тинчлиқ орнитишни мәқсәт қилиду. тиришчанлиқлиримизниң әрменийә тәрипидин қизғин қарши елинидиғанлиқиға вә көп йөнилишлик тоқунушларниң ахирлишидиғанлиқиға ишинимән. бизниң тинчлиқ келишими һәққидә издиниш тәклипимиз җавабсиз қалди, әмма биз йәнила бу тәклипниң қобул қилинишини үмид қилимиз.»

у, русийә, әзәрбәйҗан вә әрменийәниң муавин баш министирлири рийасәтчилик қилған үч тәрәп хизмәт гурупписиниң хизмәтлириниң күчәйтилишигә йуқири баһа берип, мундақ деди: «русийә федератсийәсиниң кавказ районида узун муддәтлик тинчлиқ орнитиш йолида актип тиришчанлиқларни көрситишини үмид қилимиз.»

русийә дипломатийә министири сергей лавров, икки дөләт оттурисида имзаланған  «иттипақдашлиқ мунасивәтлири байаннамиси» вә башқа келишимләрниң әмәлий йолға қойулуши тоғрисидики көрсәтмигә мунасивәтлик икки пирезидентниң йолйоруқлириға  әмәл қилиш ирадилириниң қәтийликини ейтти.